Qəbul Bakıda, Sabunçu Tibb Mərkəzində, əvvəlcədən yazılışla aparılır. Ən sürətli yol WhatsApp-dır: uşağın yaşını və şikayəti bir cümlə ilə yazın, qəbul vaxtını təklif edək.
Qəbula hazırlıq
- Əvvəlki müayinə nəticələri, EEQ, MRT (varsa) və qəbul edilən dərmanların siyahısı.
- Qıcolma, titrəmə, tik və ya «dalıb qalma» epizodu olubsa — telefonla çəkilmiş video.
- Körpələr üçün: doğuş haqqında çıxarış (həftə, çəki, Apqar), peyvənd kartı.
- Məktəb yaşlı uşaq üçün: müəllimin qısa rəyi, dərs cədvəli ilə bağlı narahatlıqlar.
- Uşağı ac və yuxusuz gətirməyin: yorğun uşağın müayinəsi daha az məlumat verir. EEQ üçün ayrıca hazırlıq qaydaları var.
Təcili hallar
Bu sayt təcili yardım xidməti deyil. Davam edən qıcolma (5 dəqiqədən uzun), huşun itməsi, qızdırma ilə boyun sərtliyi, baş zədəsindən sonra qusma və yuxululuq olduqda dərhal 103-ə zəng edin.
Tez-tez verilən suallar
Qəbul hansı günlərdir?
Qəbul günləri və saatları WhatsApp və ya telefonla dəqiqləşdirilir. Yazanda uşağın yaşını və sizə uyğun vaxt aralığını qeyd edin.
Valideyn müayinədə iştirak edir?
Bəli. Müayinə valideynin iştirakı ilə keçir; kiçik uşaqlar adətən valideynin qucağında müayinə olunur.
Onlayn məsləhət mümkündür?
İlk müayinə üzbəüz aparılmalıdır: nevroloji müayinəni video ilə əvəz etmək olmur. Nəticələrin müzakirəsi və dinamik izləmə üçün onlayn əlaqə razılaşdırıla bilər.
Tibbi baxış: Dr. Aynurə İbrahimovaSon yenilənmə:
Bu səhifədəki məlumat maarifləndirmə xarakterlidir və həkim müayinəsini əvəz etmir. Uşağınızla bağlı narahatlığınız varsa, müayinəyə yazılın. Təcili hallarda 103 nömrəsinə zəng edin.